Х. Эрдэнэчимэг нь 1984 онд циркийн сургууль төгсч, улсын циркт акробатын жүжигчнээр ажилласан. Улсын циркт ажиллах хугацаандаа акробат үсрэлтийн олон сайхан уран бүтээлд гоцлон тоглож байсан авъаслаг жүжигчин юм. Х. Эрдэнэчимэг Америкийн Ringling Brothers and Barnum & Bailey” циркт ирж ажиллахын өмнө гадаадын олон хотуудаар явж тоглосон юм.Тэрээр АНУ ын Миннесота хотын “ Juventas” циркийн сургуульд 20 гаруй жил ажиллаж байна. Энэ хугацаанд “ Мандухай” хамтлаг байгуулж, Миннесота хот хавийн үзэгчдэд жил болгон тоглодог заншилтай болжээ. Мандухайн хамтлаг, Монголын хөдөө, орон нутагт гэр бүлийн хүчирхийллийн талаар олон нийтэд сурталчлах зорилгын үүднээс, сүүлийн 10 жилд эх орондоо аялан үнэгүй тоглолтууд хийж байна. Х. Эрдэнэчимэг багш, энэ тоглолтонд Juventas циркийн сургуулийн арваад сурагчидтай оролцож байна.

Moco Ayumi, 2006 - 2008 онуудад Монголын циркийн сургуульд уран нугаралтаар суралцсан анхны Япон сурагч юм. 2009 онд Японд уран нугаралтын сургалт явуулж байгаад, 2015 онд “ Нугара” уран нугаралтын студиог нээн ажиллуулсан. Энэ студиод уран нугаралтын сургалтаар хичээллэх хүсэлтэй хүүхэд, насанд хүрэгчдэд сургалт явуулж байна. Тус студио нь сурагчдын тоглолтууд зохион байгуулж явуулахаас гадна, сурагчид нь янз бүрийн шоу, эвентүүдэд оролцон тоглодог. МУН- ын 2- р ЧУ ын тоглолтонд “ Нугара” студиогийн 4 сурагчид оролцох гэж байгаад бид баяртай байна.

Ц. Цогт-Очир нь 2000 онд Циркийн сургуулийг акробатын мэргэжлээр төгссөн. Улсын циркт ажиллаж байх хугацаандаа акробат үсрэлтийн олон үзүүлбэрт тоглон дотоод гадаадын орнуудаар аялж, 2002 онд Хятад улсын Ухань хотод болдог Олон улсын циркчдийн Тэмцээнд “Дээсээр наадагчид “ үзүүлбэрээр оролцон, мөнгөн медал хүртжээ. 2012 оноос Хөгжим Бүжгийн Коллежийн циркийн ангид, залуу циркчдийг бэлтгэн гаргахад авъас билгээ зориулан ажиллаж байгаа залуу багш нарын нэг юм.

К. Кевин 2007 онд Лас Вегаст ирж, Ж. Эрдэнэчимэг багш дээр уран нугаралт заалгасан. Уйгагүй их хөдөлмөрлөсний үр дүнд, мэргэжлийн уран нугараач тэнцвэрийн жүжигчин болох зорилгодоо хүрсэн. К. Кевин 2010 онд Нарны циркийн Кабарет шоунд оролцсоноос хойш, алдарт найруулагч Франко Драгоны “ Land of Legend” зэрэг циркийн болон энтертэймэнт шоунуудад тоглосон. Тэрээр, багшлах арга барилд, Ж. Эрдэнэчимэг багш дээр удаа дараа ирж суралцан, багш болж, New York хотын циркийн сургууль болон , Америкийн хотуудаар явж монголын уран нугаралтыг заан, энэ сайхан урлагийг сурталчилан дэлгэрүүлэхэд өөрийн авъас билгээ дайчлан ажилласан юм. МУН ын ЧУ ын тоглолтонд К. Кевин, сурагчидтайгаа хамтран бэлтгэсэн үзүүлбэрийг бид сонирхон үзэцгээх болно.